Parlamenti Europian ka miratuar dy rregullore që shënojnë një rishikim të madh të politikave të azilit në BE, duke vendosur kufizime të reja për migrantët. Kjo përfshin miratimin e listës së vendeve të sigurta të origjinës, ku përfshihen shtete si Kosova, Bangladeshi dhe Kolumbia, dhe rregullimin e procedurave për “vendin e tretë të sigurt”.
Miratimi i këtyre masave, të cilat synojnë të përshpejtojnë procedurat e azilit dhe të kufizojnë të drejtat e migrantëve, përbën një fitore për “modelin e Shqipërisë”. Shtetasit e vendeve të sigurt do të përballen me procedura të përshpejtuara dhe ndalimin e mbrojtjes ndërkombëtare, duke pasur si pasojë një kufizim të mundësive për të kërkuar azil.
Sistemi i ri i azilit do të ndikojë në mënyrë të drejtpërdrejtë mbi rreth 4 mijë kërkesa azili për qytetarë të vendeve të listuara dhe do të detyrojë shtetet anëtare të zbatojnë një procedurë të shpejtë për shqyrtimin e këtyre kërkesave. Votimi u mbështet nga grupet e ekstremit të djathtë, si dhe nga Partia Popullore Europiane, por është kundërshtuar nga disa grupe të tjera, përfshirë Socialistët dhe Demokratët.
Për më tepër, rregulloret parashikojnë mundësinë e zhvendosjes jashtë të mbrojtjes ndërkombëtare, duke rritur ndjeshëm kufizimet për migrantët dhe duke i detyruar ata të përballen me masa më të rrepta.
