Në kuadër të Ditës Ndërkombëtare të Grave dhe Vajzave në Shkencë, nxënëset e gjimnazit “Dhaskal Todri” në Elbasan po shënojnë një moment të rëndësishëm duke u përgatitur për Festivalin e Shkencës, i cili do të zhvillohet për herë të parë në shkollat shqiptare.
Kryeministri Edi Rama ka shpërndarë mesazhin e tij për këtë iniciativë, duke theksuar rëndësinë e përfshirjes së grave dhe vajzave në fushat shkencore si pjesë e një përpjekje globale për promovimin e barazisë gjinore dhe mbështetjes së talenteve të reja.
“Mirëmëngjes dhe në Ditën Ndërkombëtare të Grave dhe Vajzave në Shkencë, me shembullin frymëzues të nxënëseve të gjimnazit “Dhaskal Todri” që po përgatiten për Festivalin e Shkencës, një nismë e cila zhvillohet për herë të parë në shkollat tona, të mbështetura nga një tjetër grua e suksesshme në kërkimin dhe prodhimin e produkteve medicinale e kozmetike bio-organike, ju uroj një ditë të mbarë!”, shkruan kryeministri
