Një aksident i rëndë ka ndodhur gjatë natës në aksin rrugor “Vorë-Fushë-Prezë”, ku një automjet është përplasur me barrierat e rrugës.
Sipas informacionit paraprak, drejtuesja e mjetit, e identifikuar si E.E., një 23-vjeçare, ka humbur kontrollin mbi drejtimin dhe ka dalë jashtë rruge.
Për pasojë, e reja ka pësuar dëmtime të rënda dhe është transportuar menjëherë në spital, ku ka ndërruar jetë nga plagët e marra.
Grupi hetimor ka nisur punën për zbardhjen e shkaqeve të aksidentit, ndërsa materialet procedurale janë referuar në Prokurorinë e Tiranës për veprime të mëtejshme.
