Përpjekjet për një zgjidhje të mundshme diplomatike mes Rusisë dhe Ukrainës vazhdojnë, me një raund të ri negociatash që do të zhvillohet në Gjenevë.
Bisedimet, të cilat do të ndërmjetësohen nga Shtetet e Bashkuara, priten të sjellin një mundësi për të rinisur dialogun pas tensioneve të mëdha ndërmjet dy vendeve.
“Raundi i ardhshëm i negociatave do të mbahet gjithashtu në një format trepalësh Rusi-SHBA-Ukrainë më 17-18 shkurt në Gjenevë,” tha Dmitry Peskov, zëdhënësi i Kremlinit, duke konfirmuar datën dhe vendin e bisedimeve që do të udhëhiqen nga Vladimir Medinsky, ndihmësi i presidentit Putin.
