Qeveria ka miratuar dy emërime të reja në strukturat drejtuese të Kryeministrisë, gjatë mbledhjes së saj të radhës. Kryeministri Edi Rama ka emëruar sekretarin e ri që zëvendëson Ëngjëll Agaçin dhe shefin e kabinetit në vend të Vali Bizhgës.
Me vendim të Këshillit të Ministrave, Vilma Guri është emëruar në detyrën e Shefes së Kabinetit të Kryeministrit, një pozicion kyç në koordinimin e punës së përditshme të kreut të qeverisë dhe bashkërendimin me ministritë dhe institucionet e tjera qendrore.
Ndërkohë, Elsodina Rama është emëruar Sekretare e Përgjithshme e Kryeministrisë, funksion që lidhet me administrimin dhe drejtimin e aparatit administrativ të institucionit.
