Një aksident rrugor ka ndodhur në aksin kombëtar Peqin–Elbasan, në fshatin Përparim, bashkia Peqin, ku dy automjete janë përfshirë në një përplasje.
Si pasojë, një autoveturë tip “Benz” ka dalë nga rruga dhe ka përfunduar në një kanal anësor. Të dy mjetet kanë pësuar dëmtime të mëdha materiale, ndërsa nuk ka informacione të sakta për gjendjen shëndetësore të drejtuesve apo pasagjerëve.
Rrethanat e aksidentit janë ende të paqarta, por moti i keq, me reshje shiu, dyshohet të ketë ndikur në vështirësimin e qarkullimit. Policia dhe shërbimet e emergjencës po hetojnë ngjarjen për të sqaruar shkaqet.
