Dinamo vazhdon të mos e gjejë fitoren në vitin 2026, duke barazuar 1-1 në ndeshjen e zhvilluar ndaj Flamurtarit në “Elbasan Arena”.
Kuqezinjtë e Flamurtarit kaluan të parët në avantazh me golin e Bolzan nga penalltia në minutën e 19, ndërsa Dinamo barazoi me golin e Ditës para fundit të pjesës së parë.
Edhe në 45 minutat e dyta, asnjëra nga skuadrat nuk arrti të shënonte, duke mbyllur ndeshjen me rezultatin 1-1.
Dinamo mbetet në vendin e katërt me 36 pikë, ndërsa Flamurtari arrin 20 pikë, të njëjtat sa Bylis në vendin e fundit.
