Trafik kilometrik dhe vonesa të mëdha janë regjistruar pasditen e kësaj të diele në aksin Librazhd – Elbasan, duke krijuar radha të gjata automjetesh dhe lëvizje të ngadaltë.
Fluksi i lartë i automjeteve që kthehen drejt Tiranës pas fundjavës, së bashku me segmentet e ngushta të rrugës dhe lëvizjen e rënduar, ka shkaktuar bllokime të herëpashershme dhe kolona të gjata.
Kjo ka sjellë vonesa të konsiderueshme për drejtuesit e mjeteve. Trafiku i rënduar në këtë aks është bërë tashmë një fenomen i përsëritur gjatë fundjavave, veçanërisht në orët e kthimit.
