Në 18-vjetorin e shpalljes së Pavarësisë së Kosovës, Presidenti i Republikës së Shqipërisë, Bajram Begaj, ka përcjellë mesazhin e tij të ngrohtë dhe mbështetës për këtë ditë historike.
Ai ka theksuar forcimin e institucioneve demokratike të Kosovës dhe rritjen e njohjeve ndërkombëtare, duke shprehur mirënjohje për ata që kontribuuan për lirinë e shtetit kosovar dhe duke ripohuar angazhimin e Shqipërisë për një bashkëpunim të ngushtë në rrugën drejt integrimit evropian.
URIMI
Gëzuar Kosovë!
Në këtë 18-vjetor, Kosova është më e fortë,
me institucione demokratike të konsoliduara dhe me më shumë njohje ndërkombëtare.
Përulje dhe mirënjohje për ata që sollën lirinë!
Mirënjohës ndaj miqve dhe partnerëve tanë strategjikë, SHBA-së dhe bashkësisë perëndimore, për mbështetjen e fuqishme ndaj sovranitetit dhe integritetit territorial të Kosovës.
Le të ecim bashkë drejt BE -së më të bashkuar se kurrë!
BASHKË, JETË E MOT!
