Kosova mbush sot 18 vjet si shtet i pavarur, duke kujtuar shpalljen e Pavarësisë më 17 shkurt 2008. Me këtë rast, janë organizuar ceremoni solemne dhe aktivitete shtetërore në Prishtinë dhe gjithë vendin. Pjesëmarrës në aktivitete do të jenë edhe Presidenti i Shqipërisë, Bajram Begaj, dhe përfaqësues të institucioneve të Kosovës, si dhe diplomatë të huaj.
Dita fillon me ngritjen e Flamurit të Kosovës, pasuar nga mbledhja solemne e Qeverisë. Homazhe do të bëhen te Monumenti i të Pagjeturve, Pllaka Përkujtimore e Fëmijëve të Vrarë dhe varret e figurave të shquara, si Dr. Ibrahim Rugova dhe Adem Demaçi. Në mëngjes, delegacionet shtetërore do të bëjnë homazhe te Kompleksi Memorial “Adem Jashari” në Prekaz.
Në orën 10:30, do të zhvillohet seanca solemne në Kuvend, dhe më pas do të bëhen nderime te Monumenti i Heroinave. Në 11:30, parakalimi i trupave të Forcës së Sigurisë dhe Policisë së Kosovës do të shënojë një moment të rëndësishëm të ditës.
Aktiviteteve do t’u vijë fundi me pritjen shtetërore në orën 17:30 dhe koncertin solemn në Filarmoninë e Kosovës në 20:00.
18-vjetori i Pavarësisë i Kosovës shënon një moment të rëndësishëm për vendin, duke theksuar përkushtimin e tij për forcimin e shtetit dhe aspiratat për integrim në Bashkimin Evropian dhe NATO.
