Tre HEC-et më të mëdha të Shqipërisë, Fierza, Komani dhe Vau i Dejes, kanë vazhduar shkarkimet intensive të ujit për tre ditët e fundit.
HEC-i i Fierzës po shkarkon 1000 m3 në sekondë, ndërsa Komani dhe Vau i Dejes po lëshojnë nga 800 m3 ujë për secilin.
Reshjet intensive që po vazhdojnë në territorin që mbulon kaskada e Drinit pritet të rrisin ndjeshëm prurjet në tre basenet më të mëdha të vendit, duke rritur rrezikun për përmbytje dhe duke kërkuar kujdes të shtuar për menaxhimin e ujërave.
Autoritetet bëjnë thirrje për monitorim të vazhdueshëm të situatës dhe përgatitje të mundshme për masa emergjente në rast se situata përkeqësohet.
