Autoriteti Rrugor Shqiptar, përmes një postimi në facebook, ka bërë një njoftim zyrtar lidhur me bllokimin segmentit rrugor Librazhd-Prrenjas, duke u kërkuar me mirëkuptim drejtuesve të autoveturave të ndjekin rrugët aleternative të lëvizjes, për shkak të bllokimit të këtij aksi, deri në një njoftim të dytë.
Postimi i ARRSH
Duke marrë shkas nga situata e rënduar e trafikut, si pasojë e bllokimit të aksit nacional Librazhd–Prrenjas (në vendin e quajtur “Arrat e Gurrës”), ARRSH, për t’i ardhur në ndihmë drejtuesve të mjeteve, sugjeron përdorimin e akseve alternative si më poshtë:
Për autoveturat:
✓ Maliq – Lozhan – Strelc – Gramsh – Elbasan
✓ Qafthanë – Pogradec – Korçë – Leskovik – Përmet – Tepelenë
Për mjetet e tonazhit të rëndë:
✓ Pika doganore Qafë Thanë – Maqedoni – Pika doganore e Bllatës – Rruga e Arbërit
Duke kërkuar mirëkuptimin e drejtuesve të mjeteve dhe të gjithë banorëve të zonës, ju lutemi të ndiqni me kujdes sinjalistikën rrugore si dhe udhëzimet e Policisë Rrugore.
Faleminderit për bashkëpunimin.
