Sot, në orën 13:30, Bylisi do të përballet me Vllazninë në një sfidë të rëndësishme për raundin e 25-të të Superligës së futbollit, që do të luhet në stadiumin “Adush Muça” në Ballsh.
Për këtë ndeshje, për herë të parë në këtë sezon, do të udhëhiqet nga një treshe gjyqtare vajza.
Gjyqtarja kryesore do të jetë Emanuela Rusta, me stemën e FIFA-s, ndërsa anësore do të jenë Mirjeta Salla dhe Edjena Kapxhiu.
Arbitër i katërt është Albano Stolaj, ndërsa në VAR do të jenë Albert Doda dhe Ardian Beqiraj.
