Partia Demokratike ka filluar punën për hartimin e propozimeve për Reformën Territoriale, me një grup ekspertësh të mbledhur nga bashkëkryetari Luçiano Boçi.
Komisioni i Posaçëm do të mbështetet nga 18 ekspertë, të cilët do të punojnë në tri grupe tematike: “Territori dhe Qeverisja”, “Funksionet dhe Shërbimet”, dhe “Financat vendore”.
Puna do të vijojë me dëgjesa publike në 12 qarqe dhe një sondazh publik për hartën e re territoriale, që pritet të zhvillohet në prill-maj.
