Situat në Meksikë ka marrë një pamje tepër shqetësuese pas vrasjes së bosit të drogës El Monche.
Trafikanti dhe vrasësi i pamëshirshëm i Meksikës u egzekutua sot nga ushtria meksikane në rajonin qendror, por siç duket edhe nga pamjet vendi nuk po gjen qetësinë nga grupi i këtij karteli.
Tymi u pa të ngrihej mbi disa zona të Puerto Vallarta, në shtetin meksikan të Jalisco, pas raportimeve për sulme dhe ngritje pikash kontrolli nga anëtarë të Jalisco New Generation Cartel (CJNG).
Sipas raportimeve fillestare, persona të armatosur bllokuan rrugë kryesore, dogjën automjete dhe ngritën barrikada në disa pika strategjike të qytetit turistik, duke shkaktuar panik te banorët dhe vizitorët.
Ekspertët e sigurisë paralajmërojnë se humbja e figurës kryesore të organizatës mund të çojë në përplasje të brendshme për kontrollin e grupit, si dhe në një valë të re dhune mes fraksioneve rivale dhe forcave shtetërore.
Autoritetet meksikane kanë shtuar praninë e forcave të sigurisë në zonë dhe po punojnë për të rikthyer normalitetin, ndërsa situata mbetet e tensionuar.
