Juventusi në krizë/ Pesë ndeshje, katër humbje

Në ndeshjet e fundit, nga humbja në Bergamo kundër Atalantës, eliminimi nga Coppa Italia, barazimi në shtëpi ndaj Lazios dhe humbja e turpshme ndaj Interit në San Siro, deri te disfatat në Champions League dhe në kampionat kundër Como, shifrat flasin qartë: pesë ndeshje, pesëmbëdhjetë gola të pësuar dhe një renditje që ndodhet larg ambicieve të sezonit.

Kjo periudhë e vështirë sjell reminishenca të viteve pas skandalit Calciopoli, me një bilanc të ngjashëm me sezonin 2010/11. Shpenzimet financiare të klubit nuk janë ulur, por investimet janë bërë keq dhe për këtë arsye skuadra është në një moment të vështirë. Juventusi po rikthehet me mendje te një tjetër kapitull i errët i historisë së tij.

Një mundësi për të shpëtuar situatën mund të jetë bashkëpunimi me Luciano Spalletti, për të ndërtuar një skuadër që mund të rikthehet në nivelet që ka pasur më parë. Një tjetër revolucion me një trajner të ri, për momentin, do të ishte një hap i rrezikshëm për të ardhmen.