Për shak të reshjeve të dendura të shiut dhe motit të keq, në qytetin e Peqinit, në fshatin Algjinajt rrezikohen 3 banesa nga rreshqitja masive e dherave.
Rruga është çarë totalisht dhe është e pakalueshme nga mjetet.
Rruga shërben për lëvizjen e përditshme të banorëve drejt zonave të tjera, ndaj situata ka sjellë vështirësi në qarkullim.
Deri tani nuk raportohet për dëme në njerëz, ndërsa pritet vlerësimi i strukturave përkatëse për të përcaktuar shkallën e rrezikut dhe masat që duhen marrë.
Banorët kërkojnë ndërhyrje nga autoritetet për stabilizimin e terrenit dhe rikthimin e aksesit të plotë në rrugën e fshatit.
