Një incident i rëndë ka ndodhur këtë pasdite në Milano, ku një tramvaj i linjës 9 ka dalë nga shinat dhe është përplasur me një ndërtesë pranë Viale Vittorio Veneto. Ngjarja ka ndodhur pas orës 16:00, ndërkohë që tramvaji po lëvizte në drejtim të Porta Venezia, nga Piazza Repubblica.
Sipas raporteve të para, tre pasagjerë kanë pësuar lëndime, ndërsa disa të tjerë janë bllokuar nën tramvaj. Forcat e emergjencës kanë arritur menjëherë në vendngjarje dhe kanë nisur operacionet për nxjerrjen e të lënduarve dhe për sigurimin e zonës.
Aktualisht, ende nuk dihen shkaqet e aksidentit dhe hetimet janë në proces për të zbuluar arsyet e incidentit.
