Manchester United ka vazhduar serinë e rezultateve pozitive me Michael Carrick në drejtim, duke mundur Crystal Palace 2-1 në Old Trafford.
Skuadra e Djajve të Kuq tani renditet e treta në Premier League me 51 pikë, duke kaluar Aston Villën me të njëjtin numër pikësh.
Crystal Palace e nisi ndeshjen më mirë dhe shënoi herët me Lacroix, i cili përfitoi nga një asist i Johnson.
Megjithatë, një karton i kuq për Lacroix në minutën e 56 ndikoi në rrjedhën e lojës. Manchester United shfrytëzoi superioritetin numerik dhe barazoi me Bruno Fernandes nga 11 metërshi në minutën e 57. Më pas, në minutën e 65, Fernandes asistoi për Benjamin Sesko, i cili shënoi golin e përmbysjes dhe të fitores për 2-1.
