Një sulm i fuqishëm me raketa balistike ka goditur një pjesë të bazës ushtarake amerikane në aeroportin e Erbilit, në veri të Irakut, duke shkaktuar shpërthime të shumta dhe flakë të larta.
Sipas raporteve nga terreni, sulmi ka prekur një depo armësh, ndërsa pamjet nga mediat sociale tregojnë shpërthime të forta dhe djegie të materialeve ushtarake.
Dëshmitë e fundit sugjerojnë se dronët dhe raketat kanë goditur objektiva brenda bazës amerikane, duke shkaktuar edhe shpërthime të dytësore. Grupi militant irakian “Ashab Al-Kahf” ka marrë përgjegjësinë për këtë sulm.
Pamjet dhe raportet e tjera flasin gjithashtu për të shtëna me armë zjarri, duke shtuar tensionet në zonë.
Ky është një tjetër sulm ndaj bazave amerikane në Irak, pas disa ngjarjeve të ngjashme gjatë viteve të kaluara, përfshirë sulmet e vitit 2020. Ndërkohë, kjo ngjarje shënon një përshkallëzim të mundshëm të tensioneve midis Shteteve të Bashkuara dhe Iranit në rajon.
