Një aksident rrugor ka ndodhur pasditen e sotme në aksin Morinë–Kukës, pranë fshatit Përbreg.
Sipas informacioneve të para, një automjet ka dalë nga rruga dhe ka përplasur murin mbajtës të autostradës, duke rënë më pas nga një lartësi jashtë karrexhatës.
Shërbimet e Policisë dhe ambulanca janë ngutur në vendngjarje dhe janë duke punuar për menaxhimin e situatës dhe dhënien e ndihmës së parë.
Ende nuk janë bërë të ditura rrethanat e plota të aksidentit dhe gjendja e personave të përfshirë, ndërsa autoritetet pritet të japin më shumë informacion në vijim.
