Në fjalën e tij në parlament, deputeti Erion Braçe ka theksuar mungesën e ministrave dhe deputetëve gjatë diskutimit të projektligjit për arsimin.
Ai ka akuzuar se kjo mungesë tregon një problem të thellë me trajtimin e çështjeve të arsimit, duke shtuar se mungesa e ministres së Arsimit, Mirela Kumbaros, është një shenjë më e madhe e këtij problemi.
“Natyrisht që ky parlament ka probleme të mëdha me arsimin, i gjithi me thënë të drejtën se të diskutohet për një çështje kaq të rëndësishme që salla të jetë bosh në shumicën dërrmuese apo gjithë kohës, reflekton. Të mungojë edhe ministrja e Arsimit pastaj, është problem akoma dhe më i madh. Ky problem që kemi ne me arsimin mbërrin edhe në parlament,” theksoi Braçe.
