Ministri i Punëve të Jashtme, Ferit Hoxha, ka zhvilluar një takim të rëndësishëm me kreun e Delegacionit të Bashkimit Evropian në Tiranë, Silvio Gonzato.
Gjatë bisedës, ata u fokusuan në çështje kyçe të integrimit të Shqipërisë në BE, duke diskutuar mbi bashkëpunimin e mëtejshëm me partnerët evropianë.
Hoxha theksoi rëndësinë e përgatitjeve për vizitën e tij të parë zyrtare jashtë vendit në cilësinë e Ministrit të Jashtëm. Ai theksoi gjithashtu se Shqipëria ka një destinacion të qartë Bashkimin Evropian.
Në një postim në rrjetin social X, Hoxha shprehu optimizmin dhe angazhimin për të çuar përpara procesin e integrimit të Shqipërisë, duke e theksuar Brukselin si destinacionin e të gjitha përpjekjeve të vendit.
