Trajneri i Milanit, Massimiliano Allegri, ka folur para derbit të madh të qytetit të Milanit, që do të luhet të dielën në “San Siro” mes Milanit dhe Interit.
Allegri pranoi se Interi është më i fortë në këtë moment, por theksoi se tre pikët janë po aq të rëndësishme sa çdo ndeshje tjetër, pasi Milani kërkon të sigurojë një vend në katër të parët për t’u kualifikuar në Champions League.
Ai shtoi se pas ndeshjes do të vlerësohet gjendja e skuadrës dhe se, për momentin, qëllimi kryesor mbetet sigurimi i një vendi në Champions, me 5 fitore të nevojshme për ta arritur atë. Atmosfera për këtë derbi është elektrizuese, me të gjitha biletat e shitur dhe shumë tifozë të pritur në stadium.
