Prokuroria e Posaçme (SPAK) ka identifikuar personat që dyshohet se qëndrojnë pas dy atentateve të ndodhura në Vlorë rreth pesë vite më parë, ku humbën jetën Gentjan Qarri dhe Bledar Birçaj.
Sipas hetimeve, në krye të grupit të dyshuar kriminal qëndron Inez Hajrulla.
Ndërkohë, Gjykata e Posaçme ka lënë në fuqi masën e sigurisë “arrest me burg” për Flodian Plakun dhe ish-shefin e krimeve në Vlorë, Rezart Kuçin.
Në kuadër të operacionit janë shpallur në kërkim Inez Hajrulla, Ervis Matodashaj, Mendu Duka, Arben Memishaj dhe Argest Xhezani, ndërsa masa e sigurisë është ekzekutuar për Flodian Plakun dhe Rezart Kuçin. Po ashtu, për Hamëz Demushin masa është zbatuar në Zvicër.
