Të shtëna me armë zjarri janë shënuar në lagjen Kiras në Shkodër, gjatë një operacioni të policisë për kapjen e një personi të konsideruar me rrezikshmëri të lartë.
Në momentin kur efektivët ndodheshin në ndjekje dhe në një perimetër të afërt me objektivin e operacionit, një persona ka qëlluar në ajër me armë zjarri dhe më pas është larguar në drejtim të paditur.
Menjëherë pas incidentit, në zonë kanë mbërritur dhjetëra forca policore, të cilat kanë rrethuar perimetrin dhe kanë vendosur masa të shtuara sigurie.
Operacioni për kapjen e personit vijon, ndërsa zona mbetet e blinduar nga efektivët e policisë.
