Një aksident ka ndodhur rreth orës 18:30 në aksin rrugor dytësor Berat–Roshnik, në fshatin Duhanas.
Personi me iniciale S. R., 40 vjeç, banues në Duhanas, ka humbur kontrollin mbi motomjetin që drejtonte dhe ka dalë nga rruga, duke rënë në kanalin kullues anës saj.
Si pasojë e përplasjes, 40-vjeçari ka pësuar dëmtime të rënda dhe ka ndërruar jetë.
Grupi hetimor ka nisur punën për sqarimin e rrethanave të aksidentit dhe për të zbardhur shkakun e këtij incidenti tragjik.
Policia po vijon hetimet për të përcaktuar shkaqet dhe përgjegjësitë e mundshme.
