Deputeti i Partisë Demokratike, Klevis Balliu, ka reaguar ashpër ndaj akuzave të kryeministrit Edi Rama, të bëra një ditë më parë gjatë mbledhjes së grupit parlamentar të PS-së, lidhur me refuzimin e mazhorancës për të hequr imunitetin Belinda Ballukut.
Përmes një videoje, Balliu ka shprehur kritikën e tij ndaj Ramës, duke e akuzuar atë për korrupsion dhe abuzim me pushtetin, ndërsa i ka kujtuar që banorët e Unazës së Madhe e kuptuan të parët se kush ishte “hajduti” i projektit.
“Po palloshi i Lubisë, aty të ka ngelur gozhda, te Unaza, se ata e kuptuan të parët se çfarë kryehajduti je ti. Po për ata banorë që protestonin kundër një projekti korruptiv tëndin dhe të Lubisë, ti kërkoje burg, kurse për Lubinë kërkon që të amnistohet. Por kështu është kur të kap Lubia prej fyti,” shprehet Balliu.
