Komisioni i Ankimimit në Policinë e Shtetit ka ndryshuar vendimet për disa ish-drejtues të Policisë së Lezhës.
Për ish-drejtorin Altin Mena, komisioni ka vendosur shtyrje të gradimit për 3 muaj, duke rrëzuar vendimin fillestar që parashikonte uljen në gradë për 5 vjet.
Po ashtu, për zëvendësdrejtorin për rendin, Taulant Gjoka, u vendos shtyrje afati gradimi për 6 muaj, duke anuluar përjashtimin nga policia.
Shefi i Komisariatit të Lezhës, Oltion Gjoni, gjithashtu ka shpëtuar nga përjashtimi, duke marrë një shtyrje gradimi për 1 vit.
Për zëvendësdrejtorin e Policisë së Fierit, Oliger Torba, komisioni vendosi vetëm një vërejtje, duke anuluar masën e uljes në gradë. Komisioni shqyrtoi gjithashtu rreth 25 ankesa nga punonjës të ndryshëm policie për masa të tjera disiplinore.
Njoftim:
- Ilir Proda kishte kërkuar masa të ndryshme disiplinore.
- Ish shefit të Lezhës iu shty gradimi me një vit.
- Për Taulant Gjokën ishte kërkuar pezullim nga detyra.
- Për Taulant Gjokën u shty afati i gradimit me 6 muaj.
- Për Altin Menën është shtyrë afati i gradimit me 3 muaj
- Oliger Torba, zëvendës drejtor për krimet në qytetin e Fierit.
