Zëdhënësja e Shtëpisë së Bardhë, Karoline Leavitt, siguroi se amerikanët mund të presin një rënie të ndjeshme të çmimit të benzinës pasi të përfundojnë operacionet e SHBA-së në Iran. Ajo theksoi se rritja e çmimeve të naftës është përkohshme dhe do të çojë në ulje të çmimeve në afat të gjatë.
Leavitt shtoi se presidenti Trump është optimist për përmbushjen e objektivave dhe përfundimin e operacioneve, duke siguruar se Ndihma e SHBA-së për sigurinë e Ngushticës së Hormuzit do të vazhdojë, ndërsa tregjet e energjisë po monitorohen nga afër.
“Rritja e fundit e çmimeve të naftës dhe gazit është e përkohshme dhe ky operacion do të çojë, në planin afatgjatë, në çmime më të ulëta të benzinës. Ne jemi të sigurt se kur të arrihen objektivat e sigurisë kombëtare dhe të përfundojnë operacionet, çmimi i benzinës do të bjerë ndjeshëm.”
