Presidenti i SHBA-së, Donald Trump, ka ripërsëritur thirrjen për një koalicion ndërkombëtar për të ruajtur sigurinë e Ngushticës së Hormuzit, duke theksuar se është e nevojshme që vendet që marrin naftë përmes kësaj ngushtice të kontribuojnë për të siguruar kalimin e saj të sigurt.
Trump gjithashtu nënvizoi se SHBA-të do të ofrojnë ndihmën e duhur për të mbajtur të hapur këtë kalim kritik për furnizimin global me energji.
“Shtetet e Bashkuara të Amerikës e kanë mundur dhe e kanë shkatërruar plotësisht Iranin, si ushtarakisht, ekonomikisht dhe në çdo mënyrë tjetër,” tha Trump. “Ne do t’i ndihmojmë dhe koordinojmë ato vende që gjithçka të shkojë shpejt, pa probleme dhe mirë. Kjo duhej të kishte qenë gjithmonë një përpjekje ekipore, dhe tani do të jetë – do ta bashkojë botën drejt Harmonisë, Sigurisë dhe Paqes së Përjetshme.”
