Policia ka zbardhur më shumë detaje për vendosjen e tritolit në makinën e Oltjon Klosit, ku pas një debati për një borxh prej 15 mijë eurosh, Sabah Nuzi, i paraburgosur aktualisht, dyshohet të ketë urdhëruar sulmin. Klosi pretendonte se e kishte shlyer borxhin, ndërsa Nuzi kërkonte më shumë.
Shtatë persona janë arrestuar për këtë ngjarje, mes të cilëve Jurgen Gjonaj, i cili dyshohet të jetë autori i vendosjes dhe aktivizimit të tritolit.
Policia ka zbuluar se grupi kriminal ka siguruar informacionin dhe ndihmën për realizimin e sulmit.
Nuzi ka një histori të gjatë kriminale, përfshirë vrasjen e Klevis Lleshit vitin e kaluar, dhe aktualisht ndodhet në burg për një sërë akuzash të rënda, përfshirë vrasje dhe aktivitete të paligjshme.
