Berat Gjimshiti mund të mungojë për ndeshjet e Kombëtares në play-off për Botërorin, pas një problemi të ri fizik që ndodhi pas ndeshjes me Interin.
Mbrojtësi, i cili ka pasur probleme të vazhdueshme me dëmtimet gjatë sezonit, ka kryer vetëm stërvitje në palestër ditën e sotme dhe nuk dihet ende nëse do të jetë i gatshëm për ndeshjet e ardhshme me skuadrën e tij, Atalantën, dhe më pas me Kombëtaren.
Trajneri Silvinjo ka shprehur shqetësim për gjendjen e lojtarëve të rëndësishëm që mund të mungojnë në duelet e marsit.
