Moska ka ndërprerë totalisht internetin celular për mbi 13 milionë banorë, një masë që autoritetet ruse e kanë shpjeguar si të nevojshme për arsye sigurie, por që ka paralizuar kryeqytetin rus dhe ka shkaktuar një sërë vështirësish për qytetarët. Ky bllokim është pjesë e një politike më të gjerë të kufizimeve të ndërmarra që nga vera e kaluar, ku janë bllokuar aplikacione të mesazheve dhe platformat e mediave sociale, përfshirë WhatsApp, Telegram dhe YouTube.
Ekspertët dhe analistët e shohin këtë masë si një reagim të Kremlinit ndaj frikës se rrjetet celularë mund të përdoren për operacione të papranueshme për pushtetin, pas ngjarjeve të ngjashme në Lindjen e Mesme. Në vend të internetit të hapur, pushteti ka promovuar një rrjet të kontrolluar shtetëror të mesazheve dhe mediave sociale, Max, i cili është lidhur ngushtë me figurat e rrethit të afërt të Putinit.
Për qytetarët, kjo ka sjellë pengesa të mëdha në jetën e përditshme, duke përfshirë pamundësinë për të përdorur aplikacione për pagesa, taksi apo shërbime shpërndarjeje. Ekspertët parashikojnë se ky vendim mund të shkaktojë humbje ekonomike të konsiderueshme, ndërsa qytetarët janë të ftuar të durojnë situatën në emër të “sigurisë”.
