Një mësues 58-vjeçar, G.N., në Sarandë është proceduar penalisht pasi dyshohet se ka ushtruar dhunë ndaj një nxënësi gjatë orës së mësimit.
Policia e Sarandës ka nisur hetimet pas publikimit të një videoje në rrjetet sociale, ku mësuesi shihet duke goditur nxënësin.
Ngjarja ndodhi në shkollën 9-vjeçare të Finiqit, pasi nxënësi i kishte thënë një fjalë shokut të tij. Mësuesi reagoi menjëherë dhe i dha një goditje të miturit.
Policia po mbledh dëshmi dhe prova për të zbardhur plotësisht ngjarjen.
