Kryeministri Edi Rama ka ndarë me publikun pamje nga Mozaiku i Tiranës, një prej objektivave më të rëndësishme të trashëgimisë kulturore dhe arkeologjike të Shqipërisë. Ky mozaik, i zbuluar gjatë viteve ’70-të, po shërben si një hapësirë e re dhe moderne për prezantimin e artefakteve nga antikiteti.
Në postimin e tij në rrjetet sociale, Rama theksoi rëndësinë e këtij vendi, duke e quajtur një dëshmi të rëndësishme të historisë dhe trashëgimisë sonë kulturore.
“Mirëmëngjes dhe me Mozaikun e Tiranës, ku po përgatiten për publikun mozaikë dhe materiale arkeologjike nga antikiteti, si dëshmi e rëndësishme e historisë dhe trashëgimisë sonë kulturore, ju uroj një fundjavë të mbarë,” shkruan Rama në rrjetet sociale.
