Punonjësit e Policisë së Shkodrës kanë shpëtuar një 59-vjeçare, e cila tentoi të mbytej në ujërat e lumit Buna.
Ngjarja ndodhi rreth orës 09:30, kur Salla Operative mori një njoftim për incidentin.
Shërbimet e Patrullës së Përgjithshme janë drejtuar menjëherë në vendngjarje, ku efektivët e Policisë janë futur në ujë dhe kanë arritur të nxjerrin V. T. në gjendje të rëndë, por me shenja jete.
Pas ndihmës së parë, ajo është transportuar me autoambulancë drejt Spitalit Rajonal të Shkodrës për trajtim mjekësor.
Policia po punon për sqarimin e plotë të rrethanave të ngjarjes.
