Erixhon Senko dhe Francesko Hoxha janë dy efektivët e policisë së Shkodrës që i shpëtuan jetën një gruaje e cila e dëshpëruar vendosi që t’i japë fund jetës duke u hedhur në lumin Buna. Por sapo policia mori njoftimin, dy efektivët u hodhën në ujë duke e nxjerrë të gjallë.
“Erixhon Senko dhe Francesko Hoxha, dy profesionistë të rinj të Policisë së Shtetit në Shkodër, që falë ndërhyrjes së tyre të menjëhershme, i shpëtuan jetën një gruaje në ujërat e Bunës.
Në ato çaste kur çdo sekondë bën diferencën, ata zgjodhën të veprojnë pa hezitim, duke vënë jetën e tyre në rrezik për të shpëtuar një tjetër.
Ky është misioni më i lartë i uniformës: të jesh aty kur qytetarët kanë më shumë nevojë.
Krenar për ju! Shembulli juaj është dëshmi e qartë se shërbimi ndaj qytetarëve nuk është thjesht detyrë, por thirrje dhe guxim” shkruan ministri i Brendshëm, Besfort Lamallari.
