Pas një periudhe të gjatë procesi gjyqësor, Gjykata Themelore e Prishtinës shpalli të pafajshëm kryetaren e Kuvendit të Kosovës, Albulena Haxhiu, dhe deputetët Pal Lekaj, Donika Kadaj-Bujupi, dhe Besa Baftiu.
Ata ishin akuzuar për hedhjen e gazit lotsjellës në Kuvend, një ngjarje që ndodhi gjatë periudhës së tensioneve politike në vend. Pas një hetimi të gjatë dhe shqyrtimi të rasteve, gjykata vendosi se nuk ka prova të mjaftueshme për t’i akuzuar për këtë veprim.
“Zonja Haxhiu kishte mbajtur qëndrim të qartë kundër Asociacionit. Pastaj me rastin e zhvillimit të shumë ngjarjeve në atë kohë në parlament ishin ndaluar së bashku me deputetë të tjerë, ku ndaj tyre ishin ndaluar disa elemente, që ishin të dyshimta. Dhe është mbajtur një shqyrtim gjyqësor dhe asnjëherë nuk ka arritur që të vërtetohet se elementet e dyshimta kishin të bëjnë me vepër penale për çka se ato ishin ndaluar,” tha Burim Halili, avokati i Haxhiut.
