Në një kohë kur tensionet mes SHBA-së dhe Iranit janë rritur, përpjekjet për të arritur një marrëveshje paqësore përfundimtare janë më të rëndësishme se kurrë.
Konflikti në Lindjen e Mesme ka pasur ndikime të thella jo vetëm në stabilitetin rajonal, por edhe në furnizimin global me energji, me bllokimin e Ngushticës së Hormuzit që ka krijuar pasiguri në tregjet e naftës dhe gazit.
Për të adresuar këtë krizë, Ursula von der Leyen, Kryetarja e Komisionit Europian, ka apeluar për një zgjidhje të negociuar dhe ka theksuar se veprimet agresive të Iranit duhet të dënohen, ndërkohë që përpjekjet për paqe duhet të vazhdojnë.
“Irani duhet të ndërpresë menjëherë kërcënimet, vendosjen e minave, sulmet me dronë dhe raketa, dhe çdo përpjekje tjetër për të bllokuar ngushticën për anijet tregtare. Situata është kritike për furnizimin me energji për aleatët në mbarë botën. Ne të gjithë po i ndiejmë pasojat indirekte mbi çmimet e gazit dhe naftës. por është jashtëzakonisht e rëndësishme të arrijmë një zgjidhje të negociuar, dhe t`i jepet fund armiqësive që shohim në Lindjen e Mesme.”
