Nënkryetari i AAK-së, Ardian Gjini, ka reaguar pas mbledhjes së Këshillit të Përgjithshëm të partisë, duke theksuar se nuk ka konsensus për emrat aktualë për president.
Ai shtoi se nuk ekziston vullneti i duhur nga partia më e madhe për të përmbyllur procesin pa zgjedhje nacionale. Gjini ka shprehur shqetësimin se po krijohet një atmosferë e tillë që mund të çojë në fajësimin e të tjerëve për një dështim të mundshëm në zgjedhjen e presidentit.
“Ajo që e kemi thënë deri tash është se këta emra që janë deri tash në tavolinë, nuk kemi votë. Të tjerat edhe një herë duhet t’i shohim bashkë, mirëpo nuk po besoj që po ekziston një atmosferë dhe një vullnet nga partia më e madhe që në mënyrë të sinqertë dhe serioze të provojë ta përmbyllë këtë proces pa zgjedhje nacionale,” u shpreh Gjini.
