Kryetari i Partisë Demokratike të Kosovës, Bedri Hamza, ka folur pas aktgjykimit të Gjykatës Kushtetuese, e cila ka përcaktuar një afat prej 34 ditësh për zgjedhjen e presidentit të ri të vendit.
Hamza ka theksuar se deri tani partia nuk ka marrë ndonjë ftesë nga kryeministri Albin Kurti për të diskutuar hapat e mëtejshëm.
“Para diskutimit në organet e PDK-së nuk është e duhura sepse për këtë janë diskutimet. Për të debatuar, diskutuar dhe për të marrë vendime dhe për të qëndruar në këto vendime”, ka deklaruar ai para nisjes së mbledhjes së kryesisë.
Ky qëndrim nënvizon se PDK do të shqyrtojë opsionet e veta në mënyrë të brendshme, përpara se të angazhohet në bisedime me institucionet e tjera të vendit.
