“Koncesioni i Sterilizimit ka tre javë ka tre javë që i ka kaluar shtetit. U ngrit kapaciteti, po funksionon shumë mirë. Është bërë një punë shumë e madhe”. Kështu deklaroi ministrja e Shëndetësisë, Evis Sala pas mbledhjes së qeverisë.
Por më tej Sala ka pranuar se në QSUT pas datës 20 nuk do të mund të kryhen analizat për të shtruarit, për shkak të mungesës së fondeve.
Ajo tha se po mblidhen të gjitha të dhënat dhe do të bëhet më pas vlerësimi për adresimin e problemit dhe zgjidhjen e tij.
“Aktualisht po vlerësojmë, kemi të gjithë të dhënat, e mbi bazën e të dhënave planifikimin e mirë të shërbimit. Nuk duhet të mungojnë analizat dhe këtë po e adresojmë dhe do ta zgjidhim brenda këtij viti”, tha ministrja.
Ministrja deklaroi se qeveria ka miratuar sot disa ndryshime sa i takon funksionimit të Komisionit të Çmimeve të Barnave.
