Ministri i Jashtëm rus Sergei Lavrov ka bërë thirrje për ndryshim të qasjes së Shteteve të Bashkuara, duke theksuar se ulja e tensioneve varet nga rikthimi te dialogu diplomatik. Deklarata erdhi pas një bisede telefonike me homologun iranian Abbas Araghchi.
“Pala ruse shprehu shpresën se përpjekjet për uljen e tensioneve do të japin fryte, të cilat do të lehtësoheshin nga braktisja e ultimatumeve nga SHBA-të dhe kthimi në diplomaci”, thuhet në deklaratën e Ministrisë së Jashtme ruse.
Dy ministrat bënë gjithashtu thirrje për ndalimin e sulmeve ndaj infrastrukturës civile, përfshirë edhe termocentralin bërthamor të Bushehrit, ku punojnë specialistë rusë.
