Sekretari i Mbrojtjes i SHBA-së, Pete Hegseth, ka njoftuar se dy anije luftarake amerikane, USS Frank E. Peterson dhe USS Michael Murphy, kanë kaluar Ngushticën e Hormuzit dhe kanë operuar në Gjirin Arabik.
Sipas Hegseth, ky mision ka për qëllim pastrimin e ngushticës nga mina detare të vendosura më parë nga Garda Revolucionare Islamike e Iranit (IRGC). Ai theksoi se operacioni është pjesë e përpjekjeve më të gjera për të siguruar lirinë e lundrimit dhe stabilitetin në këtë zonë strategjike për tregtinë globale të energjisë.
“USS Frank E. Peterson (DDG 121) dhe USS Michael Murphy (DDG 112) kanë kaluar Ngushticën e Hormuzit dhe kanë operuar në Gjirin Arabik si pjesë e një misioni më të gjerë për të siguruar që ngushtica të jetë plotësisht e pastër nga mina detare të vendosura më herët nga Garda Revolucionare Islamike e Iranit (IRGC)”, tha Hegseth.
