Papa Leo XIV ka reaguar ndaj kritikeve të presidentit amerikan Donald Trump, i cili kundërshtoi komentet e tij mbi luftën dhe politikën ndërkombëtare.
Në një deklaratë të tij, Papa theksoi se do të vazhdojë të flasë hapur për çështjet që i beson, përfshirë paqen, dhe se nuk ka frikë nga reagimet e administratës Trump.
“Nuk do të hyj në debat. Gjërat që them nuk kanë për qëllim të sulmojnë askënd. Ftoj të gjithë njerëzit të kërkojnë mundësi për të ndërtuar ura paqeje dhe pajtimi. Duhet të kërkojmë mënyra për të shmangur luftën sa herë që të jetë e mundur,” tha Papa Leo XIV, ndërsa po udhëtonte drejt Algjerisë. Ai gjithashtu shtoi: “Nuk kam frikë nga administrata Trump apo nga të folurit me zë të lartë për mesazhin e Ungjillit, të cilin besoj se jam këtu për ta shpallur.”
