Këtë të hënë prokuroria e Sarandës ka lëshuar dhjetra urdhërarreste ndaj efektivëve të policisë, zyrtarëve lokalë dhe biznesmenëve të dyshuar për përfshirjet e favoret në ndërtimet pa leje në zonat turistike.
Sipas burimeve bëhet me dije se urdhër-arrestet janë lëshuar për efektivët të komisariatit të policisë së Sarandës të përfshirë në aktivitete të paligjshme në zonat bregdetare.
Deri më tani raportohet se janë ekzekutuar dy urdhër-arreste, një ndaj një efektivi të policisë dhe një tjetër ndaj një biznesmeni, identitetet e të cilëve ende nuk janë bërë publike nga autoritetet.
Ndërkohë, kontrollet po vijojnë në banesa dhe ambiente të tjera me qëllim kapjen e personave të shpallur në kërkim dhe ekzekutimin e plotë të masave të sigurisë.
