Një sasi lënde eksplozivi ka shpërthyer mbrëmjen e sotme në shtëpinë e kreut të FSHF-së, Armand Dukës, në Durrës.
Ngjarja ka ndodhur rreth ores 22:10. Paraprakisht deklarohet se lënda plasëse është vendosur pranë derës së jashtme të rrethimit të vilës duke shkaktuar vetëm dëme materiale.
Paraprakisht dyshohet se në momentin e ngjarjes brenda në shtëpi ka qenë vetëm bashkëshortja e Armand Dukës.
Në vendngjarje ka shkuar policia, ndërsa pritet grupi hetimor. Shpërthimi është dëgjuar në një pjesë të mirë të qytetit bregdetar.
