Kryetari i Partisë Demokratike, Lulzim Basha, zhvilloi këtë të martë një takim me të rinjtë e Forumit Rinor të Partisë Demokratike në Tiranë.
Basha u shpreh se ka ardhur koha të ndajmë fjalët nga veprat. Ai u shpreh se vota e lirë është themeli i gjithçkaje dhe propozoi që dënimet të jenë si në Itali, deri në 22 vite burg për ata që vjedhin vota.
“Themeli i çdo gjëje është vota e lirë. Ndaj ne kemi propozuar që edhe sanksionet për shkatërrimin e zgjedhjeve në Shqipëri të bëhen po kaq të forta sa edhe në Itali. Edhe ata e kanë pasur këtë problem, por tashmë aty nuk dënohesh me gjobë, jo, jo. Nëse një politikan kapet duke blerë vota, duke bashkëpunuar me mafien për vota, dënohet deri në 22 vite burg, njësoj si për vrasje, pasi vret shpresën”, u shpreh Basha.
