Kryetari i komanduar i degës së Partisë Demokratike në Fier ka reaguar menjëherë pas sulmeve që shqiptoi kundër tij lideri historik i PD, Sali Berisha.
“Ish-kryeministri i parë në histori i shpallur non grata sillet vërdallë nëpër Shqipëri si një shpifës ordiner. Ai është vetëm e shkuara e keqe dhe nuk përfaqëson gjë tjetër veç korrupsionin”, thuhet në një deklaratë të pak çasteve më parë të deputetit të PD, Agron Kapllanaj, mbështetës i Bashës.
Në një takim me mbështetësit e Foltores, pak orë më parë, Berisha e kishte sulmuar se është përfshirë si sipërmarrës në projektin e lagjes 5 Maji, aty ku bashkia e Tiranës pak ditë më parë shembi dhjetëra banesa për ti hapur rrugë shesheve të ndërtimit me fonde publike që do përdoren për të strehuar të pastrehët e tërmetit të dy viteve më parë.
